درس الرسم بالفوتوشوب للمبت

.. درس الرسم بالفوتوشــــب.. واللي يســمى بفـــن الــ Vector Art

واللي تشوفون انه اغلب الكليبات والرســـوم .. قاموا يســونهم بهالشكــل

اول شـــي..

نختار الصــورة اللي نبا نرسمها.. او نحولها الى رسمـــه.. سواء رسمه او صورة.. على كيفيكم …

وانا اخترت هالصـــورة

من بعد ما اخترنا الصــورة

نختـــار الاداة التاليه من قائمـــه الــ Tools كما هو موضح

علشان نختار اكثر من جزء في نفس اللير ونفس الوقت.. يوم نختار التحديد.. نضغط على المربع اللي فوق كما هو موضح

نفتح لير يديده.. كالشكل التالي

من بعدها نحدد الويــــه.. ولازم ننتهي من عند النقطة اللي بدينا فيها علشان يتحدد الشكـــل.. من بعد ما نحدده.. نلونه بلون قريب للون البشـــره.. ويطلع مثل الشكل التالي

من بعدها نخفـــي هالطبقة من خلال الضغط على العين اللي قدام الطبقه.. ونفتح ليـــر ثانيه بعدها ونبدا نكمل الشغل..وللعلم انه افضل شي انه بعد ما ننتهي من كل ليــر نخفيها علشان نحدد الاماكن الثانيه وهكذا لين ما نخلص كل شي

نرد على الويه مره ثانيه.. بس هالمـــره.. بيكون بلون ثاني.. ونختــار الاجزاء الجانبية من الويه او اللي تشوفون انه لونها في الصورة شوي اغمق من الاجزاء الثانيه..كالتالي

وبعدين نفس الطريقه .. نسويها .. بس هالمره تكون على الشـــعر

بعدين نرجع للشـــعر ونحدد الاجــزاء اللي الونها غامقــه.. واللي الوانها فاتحه في الصورة الاصليـــه.. طبعاً ممكن انكم تختارون الاشكال اللي تبونها واللي تشوفونها مناسبه.. كذلك الاماكن اللي انتوا تبونها..
وبيطلع بهالشكل.. من بعدها نخفيها

من بعد ما نخلص الويـــه والشعـــر.. ننتقـــل للملامح الثانيه مثل العيون والحواجب.. والفم..

نحدد العيون.. ونلونهم بالابيض

بعدين نحدد العيون.. ونلونهم..

طبعاً.. لونتهم بلونين.. الاسود والازرق.. بعدين حطيت نقطتين بيض علشان تبين اكثــر ..

بعدين.. طبعاً ممكن انكم تسوون كل حركه في طبقه..وتسونها خطوه خطوه.. بس انا سويت اللي في الويه كله على لير وحده ولونتهم ..

بعدين.. نضغط على العين اللي قدام الطبقات.. بحيث كل اللي سويناه يطلع.. وبتطلع بهالشكل

وبعدين.. الشـــغل الباقي اخليه عليكم.. لانه يعتمد على كل شخص كيف يطلعه..

ممكن تخلونها بها الشكـــل

او بهالشكـــل

في حالة انكم بغيتوه يطلع نفس الشكــل الثاني.. كل اللي عليكم تسونه انكم تختـــارون Smudge Tool من قائمة الاختيــــارات

وتروحون عند الطبقة الثانيه اللي كنا ملونينها بلون اغمق عن لون الويه بشوي.. واتمكم ضاغطين عليه..وتحركون الماوس لين ما يطلع لكم اللي تبونه

وهذي هي نفس الاداة اللي ممكن من خلالها تسوون الخدود والخشــم
وتعدلون في الاشكال.. طبعاً راح يكونن طبقات ثانيه.. تختارون فيها الابيض والوان ثانيه مقاربه للبشره..بس مش نفس اللون.. وتغيرون في وضعيات الطبقات.. يعني تعتمد عليكم.. لانها يبالها شغل..مش ممكن اني اقولها في خطوات..

وطبعاً في اشياء كثيره ممكن..تسونها مثلا تكررون الطبقات.. وتغيرون في الالوان والاشكال..وغيره وغيره..

ان شـــاء الله يكون الدرس مفيد لكم.. وانكم استمتعتوا فيه..
وانه زاد على اللي تعرفونه بالفوتوشب شــي يديد

ويلا شــــدوا الهمــــة وخلونا نشوف تطبيقاتكم

ولا تنســـونا من خالص الدعاء